کیا ویلنٹائن منانا اچھا ہے یا برا، حلال ہے یا حرام، اسلام سے متصادم ہے یا کفّار کی ترغیب - جو بھی کہا جاتا ہے سب درست ہے ، سہی ہے اور.... ایک ہجوم بیکراں ہے
شاید آپ مجھ سے اختلاف کریں کہ ہم مختلف دن مناتے ہیں جنکا پہلے وجود نہ تھا ہمارے معاشرے میں - پر اب اقدار بدلی ہیں تو اس میں سب ہی برابر کے شریک ہیں چاہے علماء ھوں یا جہلا - سہی کیا ہے اور غلط کیا، ہمارا مذہب نے سب بیان کیا ہے اور احادیث بھی موجودہیں - سب کچھ وازے ہے مگر کون کیسکو سمجھاتے اور کیونکر - ہر ایک عالم دین ہے اور بزعم خود دین کا تشریح کنندہ بھی - سو ہر ایک اپنی بولی بولتا ہے اور چاہتا ہے ک سب اس پہ ایمان لے آئین
اسلام نے جو معاشرتی اصول وضا کئے ہیں انکو پس پشت ڈال دیا گیا ہے تو ہم کوئی ایک دن منا کے اپنا فرض پورا کرتے ہیں جیسے باقی دنوں میں نہ تو کوئی رشتہ ہیں اور نہ ہی اسکی کوئی اہمیت. - دنوں کو مناتے وقت ہم بھول جاتے ہیں کہ ایک دن اور ہے اور وہ ہے قیامت کا
اسلام کا درد رکھنے والے یہ بتائیں کہ لوگوں کو حرام اور حلال بتانا اہم ہے یا بھوکے کو کھانا کھلانا، بے لباس کی ستر پوشی کرنا، علم سے بے بہرہ لوگوں کو آ آگہی دینا ضروری ہے یا کفر کا فتویٰ عام کرنا - کوئی بتا ے یا نہ بتاے پر سب جانتے ہیں سچ کیا ہے
جیسا کہ ابتدا میں ہجوم بیکراں کی بات کی گئی اسکا حصّہ ہم سب ہیں ورنہ مسلمان تو جسم واحد کی مانند ہیں - لہٰذا جب کوئی وحدت نہیں تو اک ہجوم ہی ہے - انسان اور جانور میں کیا فرق ہے جو جانتا ہے چپ ہے جو نہیں جانتا وہ بولتا ہے جیسے خالی برتن بجتا ہے - لہٰذا ویلنٹائن کی بحث لا یعنی ہے
نوٹ: نہ تو میں مفتی ہوں، نہ کوئی علمبردار - اک سوچ ہے جو بیان کردی - ماننا یا نا ماننا اپنی اپنی صوابدید پر ہے
