طبّی مشورہ

فلاح انسانیت اور خدمت خلق کے لیے راقم نے قدیم رسالہ جات اور کتب سے استفادہ کیا اور حاذق اطبا کے آگے زانو تلمذ طے کیا - برسوں کی تحقیقات سے ایسا نادر و نایاب نسخہ حاصل کیا جو انسانی بقا و دوام  کے لئے مفید ہے - یہ بمثل  نسخہ عوام  کی فلاح و بہبود کے لئے پیش خدمت ہے - ادویہ کی قیمت کچھ زیادہ نہیں اور بآسانی دستیاب ہے - اس بیش قیمت نسخے کی ایک ہی خوراک ہر طرح کی بیماری سے خلاصی کرا دے گی- خیال رہے کہ دوا خالص ہو وگرنہ پیچیدگی بیماری کی بھی ہوگی اور قانونی بھی 

لازوال دوا کے اجزا حسب ذیل ہیں

نوشادر      ایک چھٹانک 

نمک         تین ماشے 

ادرک        ایک چھٹانک 

نیلا تھوتھا   ایک پاؤ 

لٹھہ           حسب ناپ 

چٹائی        دو عدد 

کافور        ایک بوتل 

پھول        حسب ضرورت 

چارپائی     ایک عدد 

تختہ          ایک عدد 

یاد رہے کہ اس کاوش کا مقصد فلاح انسانیت ہے - راقم اس نسخہ کے استمعال ، نقصان  اور کسی بھی قانونی، سماجی اور معاشرتی گرفت سے آزاد ہو گا - مزید برآں  یہ نسخہ آپکو اپنے پروردگار کی معرفت عطا کرے گا جبکہ محقق ہر لحاظ سے بری ذمہ متصور ہوگا 

آپکی دائمی صحت کے لئے کوشاں 

حکیم حاذق 

آپکا الله مالک